ქობულეთში შავი ზღვის სანაპიროზე პირველ ზოლში.

მთავარ, ცენტრალურ ქუჩაზე, ზღვიდან პირველ ზოლში იყიდება 5 სართულიანი სახლი ეზოთი, 14 ოთახიანი, ორი დიდი სასტუმრო ოთახით,ორი სამზარეულოთი, ცხრა საძინებლით და ექვსი სველი წერტილით, აივნებით.
სახლის საერთო ფართია 1400 კვ.მ-ი. ეზოსი კი 423 კვ.მ-ი.
შემოთავაზებული სახლის პირველ სართულზე ერთი დიდი მისაღები ოთახია მოქმედი ბუხრით, მიმდებარედ დიდი სამზარეულო-სასადილოა და სველი წერტილით. სახლს აქვს შიდა მარმარილოს ფილებით მოპირკეთებული კიბე , ორიგინალური რკინის ორნამენტებიანი მოაჯირით, ყველა სართულზე არის ჰოლი და საძინებელი ოთახები, დამოუკიდებელი შესასვლელით და მიმდებარე სველი წერტილებით. აივნებით ხედით ზღვაზე .
კერძო სახლი არის კაპიტალური მშენებლობის, გაყვანილია და დამონტაჟებულია სახლში ყველა საჭირო კომუნიკაცია, არის ცენტრალური გათბობა,თავისი გათბობის ქვაბით. იატაკზე დაგებულია წიფელის პარკეტი, რომელის მხოლოდ ლაქის წასმას საჭიროებს, კედლები კი მხოლოდ კოსმეტიკურ რემონტს.
სახლს აქვს სარდაფი ბუხრით, დიდი ოთახით, აქვს საკუჭნაო და დამხმარე ოთახები რომლებიც შეგიძლიათ გამოიყენოთ მოთხოვნის მიხედვით.
შემოთავაზებული სახლი ადგილმდებარეობის მიხედვით არის არაჩვეულებრივი სასტუმროსთვის, რესტორნისთვის.
ქობულეთს, როგორც საკურორტო ზონას ყოველწლიურად უამრავი ტურისტი სტუმრობს, ფიჭვნარს რომელიც გაშენებულია ქობულეთში და ზღვის სუბტროპიკულ ჰავას აქვს უნიკალური სამკურნალო თვისებები.