მოქმედი ღვინის ქარხანა კახეთში.

ისტორიული ფაქტების საფუძველზე საქართველო აღიარებულია მეღვინეობის უძველეს ცენტრად. მეტიც, საქართველომ დამსახურებულად მიიღო „ღვინის აკვნის“ სტატუსი, რომელიც 8000 წელს ითვლის. საქართველოში მეღვინეობის 8 ძირითადი რეგიონია, რომლებშიც 5000-მდე უნიკალური ვაზის ჯიშია გავრცელებული. ღვინის ქარხანა ქინძმარაულის მიკროზონაში 42000 მ2 ფართობზე მდებარეობს. კომპანიას საკუთრებაში აქვს 5-6 ჰექტარი საუკეთესო ვენახები. ქარხანა აწარმოებს 25-ზე მეტ სახეობის ალკოჰოლურ სასმელს. ქარხანა აღჭურვილია იტალიაში წარმოებული თანამედროვე ლაბორატორიით, ავზებითა და საწარმოო ტექნიკით, ღვინის ქარხანა თანამედროვეობისა და ტრადიციის სინთეზია. საწარმო სრული დატვირთვით ამუშავებს 2500 ტონამდე ყურძენს. წარმოებაში გამოიყენება ვაზის შემდეგი ჯიშები: რქაწითელი, კახური მწვანე, ქისი, ციცქა, ცოლიკაური, საფერავი, ალექსანდროული და სხვა. გარდა ღვინოებისა, არსებობს ორი სახის ჭაჭა (Silver and Gold) და სამი სახის კონიაკი. ძველი ქართული აგურით აშენებული სამრეწველო შენობა 2036 მ2 ფართობით. ტერიტორიაზე არის: მიწისქვეშა სარდაფი 7 მეტრის სიღრმეზე, 1000 მ2 ფართობზე. ღვინო, ჭაჭა და კონიაკი 150 მუხის კასრში სპეციალურ შესანახ ობიექტში ძველდება. 120 ტონა ტევადობის ღვინის მარანი, რომელშიც ქართული ტრადიციების შესაბამისად ინახება სხვადასხვა ზომის ქვევრი.